Foto: Pexels.com
2024 jyly 1,4 mln azamatqa 958 mlrd teńge tólendi. Alaida keibir azamattar zańnamalyq olqylyqtardy paidalanyp, áleýmettik tólemderdi jasandy túrde arttyrýǵa tyrysqan, dep habarlaidy Ult.kz tilshisi BAQ.KZ-ke silteme jasap.
Bul týraly Eńbek jáne halyqty áleýmettik qorǵaý ministri Svetlana Jaqypova ministrliktiń keńeitilgen alqa otyrysynda aitty.
Onyń aitýynsha, júktilik jáne bosanýǵa qatysty tólemderge shekteý qoiylmaǵandyqtan, kei azamattar tabysyn jasandy túrde kóbeitip, joǵary mólsherde tólem alý úshin túrli zańsyz shemalarǵa júgingen.
"Bul júiege adal qatysýshylardyń áleýmettik aýdarymdaryn qaita bólýde ádiletsizdikke ákep soǵady", – dedi ministr.
113 áielge qylmystyq is qozǵaldy
Ministrdiń aitýynsha, 113 kelinshektiń zańsyz jolmen alǵan tólem somasy 158,4 mln teńgeni quraǵan. Buǵan qosa, 2024 jyldyń qyrkúieginen beri 1,5 myńǵa jýyq azamat óz erkimen tabysyn jasandy túrde kóbeitkenin moiyndap, memleketke 3,4 mlrd teńgeni qaitarǵan.
Ministrlik bul máseleni sheshý úshin zańnamalyq bastamalar toptamasyn ázirlegenin málimdedi. Onyń aitýynsha, jańa reformalar aldaǵy 10 jylda mindetti áleýmettik saqtandyrý júiesiniń qarjylyq turaqtylyǵyn qamtamasyz etýge baǵyttalǵan.
