Eńbek jáne halyqty áleýmettik qorǵaý ministri Birjan Nurymbetov zeinetaqy jinaǵyn paidalanýǵa qatysty túsinik berdi, dep habarlaidy "Ult aqparat".
«El Prezidenti halyqqa Joldaýynda áleýmettik sala boiynsha birqatar tapsyrma berdi. Memleket basshysy osy jyldyń sońyna deiin azamattardyń óz zeinetaqy jinaǵynyń bir bóligin turǵyn úi jaǵdaiyn jaqsartýǵa, qymbat turatyn emge tóleýge nemese qarjy kompaniialarynyń basqarýyna berýge paidalaný boiynsha qajetti quqyqtyq aktilerdi qabyldaýdy jáne daiyndyq jumysyn júrgizýdi tapsyrdy. Búginde maquldanǵan tujyrymdamalyq sheshim bar. Atalǵan maqsatta 721 myń adamnyń óz zeinetaqy jinaǵyn paidalanýǵa múmkindigi bolady. Osy oraida shamamen 1,4 trln teńge kóleminde», - dedi ministr Úkimet otyrysynda.
Onyń ishinde jetkiliktilikti sheginen asatyn zeinetaqy jinaǵy bar 530 myńǵa jýyq jumys isteitin azamat, 178 myńnan astam zeinetaqy jinaǵy bar zeinetker jáne 13 myń annýitet tólemderine shart jasaǵan azamattar qamtylǵan.
Aita keteiik, Qazaqstan halqyna Joldaýyn jariia etken QR Prezidenti Qasym-Jomart Toqaev 2021 jyldan bastap zeinetaqy jinaǵyn baspana satyp alýǵa jumsaýǵa bolatynyn aitty.
