Óńir ákimdikteri qaýipsiz eńbek jaǵdailaryn qamtamasyz etý boiynsha Jol kartalaryn bekitýi tiis. Mundai tapsyrmany búgin Úkimet otyrysynda QR Premer-Ministri Asqar Mamin berdi, dep habarlaidy QazAqparat.
«Qaýipsiz eńbek jaǵdailaryn qamtamasyz etý sharalaryn kúsheitý úshin birinshiden, Eńbek ministrligine múddeli memlekettik organdarmen jáne áleýmettik áriptestermen birlesip, osy jylǵy 1 jeltoqsanǵa deiin jumys berýshiler úshin eńbek qaýipsizdigi talaptaryna sáikestigi boiynsha ózin-ózi baqylaýǵa arnalǵan onlain-platforma ázirleýdi jáne jumys berýshilerdi eńbek jaǵdailaryn jaqsartýǵa ekonomikalyq yntalandyrýdy arttyrý boiynsha zańnamany jetildirý jóninde Úkimettiń qaraýyna usynystar engizýdi tapsyramyn», - dedi Asqar Mamin.
Úkimet basshysy ekinshiden, Tótenshe jaǵdailar ministrligine múddeli memlekettik organdarmen birlesip, osy jylǵy 1 qazanǵa qaýipti óndiristik obektilerde avariialyqty azaitý boiynsha jol kartasyn bekitýdi tapsyrdy.
«Úshinshi. Óńirlerdiń ákimdikteri ónerkásip oryndarymen birlesip, osy jylǵy 1 qyrkúiekke deiin qaýipsiz eńbek jaǵdailaryn qamtamasyz etý boiynsha Jol kartalaryn bekitsin. Sonymen qatar, kásiporyndarmen óndiristegi jazataiym oqiǵalardan saqtandyrý sharttaryn jasaý boiynsha jumys júrgizsin», - dedi Premer-Ministr.
