2020 jyly eńbek qabiletinen airylǵan 14,7 myń azamatqa 15,5 mlrd teńge áleýmettik qoldaý kórsetildi.
Bul týraly QR Úkimetiniń otyrysynda Eńbek jáne halyqty áleýmettik qorǵaý ministri Serik Shápkenov aityp berdi, dep habarlaidy QazAqparat.
«2020 jyldyń nátijesi boiynsha kásiptik eńbek qabiletinen airylǵan 14,7 myń azamatqa 15,5 mlrd teńge mólsherinde áleýmettik qoldaý kórsetildi.
Olardyń ishinde 10 myńǵa jýyǵyna biýdjet esebinen memlekettik járdemaqy men saqtandyrý qorynan tólem berildi, al 6 myńǵa jýyq azamat sonymen qosa Memlekettik saqtandyrý qorynan áleýmettik tólemder aldy.
46% azamattyń kásiptik eńbek etý qabiletinen airylý deńgeii 30 ben 59 paiyzdyń arasyn quraidy. Olardyń kópshiligi jeńil jumysqa aýysty», - dedi Serik Shápkenov búgingi Úkimet otyrysynda.
Onyń aitýynsha, sońǵy 3 jylda eńbek etý qabiletinen airylǵan jumyskerlerdiń úlesi tómendedi.
