Foto: JI arqyly jasalǵan
“Eńbek adamy” tujyrymdamasy qoǵamda adamnyń basty qundylyǵy retinde onyń eńbegi men kásibi biliktiligin joǵary qoiatyn ideia. Bul Qazaqstan Respýblikasy Prezidenti Qasym-Jomart Toqaevtyń bastamasymen júzege asyp jatqan joba. Al osy Prezident jii aityp júrgen “eńbek adamy” tujyrymdamasy aiasynda jeńil ónerkásip naqty qandai ról atqarady? Bul sala shynymen qarapaiym jumysshynyń mártebesin kótere ala ma? Bul týraly elimizdegi jeńil ónerkásiptiń damýyna qatysty baspasóz konferentsiiasynda mamandar aitty.
«QAZTEXTILEINDUSTRY jeńil ónerkásip kásiporyndarynyń ulttyq birlestigi» zańdy tulǵalar jáne jeke kásipkerler odaǵy ózin ózi retteitin uiymnyń basqarma tóraǵasy ÝAHITOVA GÚLMIRA BEKENQYZY:
«“Eńbek adamy” beinesi janjaqty nasihattalýy kerek dep esepteimin. Jeńil ónerkásipte jumys isiteitin azamattar bul salada tabiǵi ónim shyǵaryp otyrǵanyn maqtan tutýy kerek. Memleket basshysy da bir emes, birneshe ret masyldyq saiasatynan ketip, eńbeksúigishtikti nasihattaý kerek ekenin aitty. Óz qolymen tabiǵi ónim shyǵaryp jatqan azamattardyń eńbekteri laiyqty baǵalanyp, qoǵamda laiyqty ómir súrýge múmkindik beretin baǵdarlamalar áli de kerek. Eger bir adam tiginshi mamandyǵyna oqyp jatsa memleket oǵan tegin balabaqshamen kómektesse, jeńildikpen ipotekalyq nesie alýǵa múmkindik týsa. Naqty jumys isteitin eńbekqor adamdarǵa mektep formalaryn tigý siiaqty memlekettik tapsyrys berse jaqsy bolar edi.
Biz ataýly áleýmettik kómekten bas tartý kerek dep esepteimiz. Sebebi ol birqatar qiyndyqtar týǵyzyp otyr. Kóptegen tiginshiler ataýly áleýmettik kómek te ala otyryp, jumys istegileri keledi. Árine kadr tapshylyǵy bolǵandyqtan biz buǵan qyzyǵýshylyq tanytyp otyrmyz. Sebebi kásipkerler jumysshylarǵa zańsyz túrde jalaqy tóleýge májbúr. Jańa salyq kodeksi shyqqaly zań talaptaryna sai jumys isteý kerektigin túsinip otyrmyz. Bizdiń biznesmender zańdy jumys isteýge daiyn jáne buny quptaidy. Sondyqtan biznesmender ashyq jumys isteý úshin ataýly áleýmettik kómektiń kedergi keltirip otyrǵanyn aitqysy keledi. Halyqty áleýmettik qorǵaý ministrligimen birigip jumys isteýimiz qajet shyǵar. Tiginshi, mashinist, elektrikterimizge belgili bir jeńildikter men áleýmettik kómekterdi jumys istep paida ákelse ǵana beretin bolsa deimiz. Olar óz jumystaryn maqtan tutyp, jumystary qandai da bir kepildik beretinin sezse eken», - deidi Gúlmira Bekenqyzy.
