Foto: Almaty qalasy ákimdiginiń baspasóz qyzmetinen
Oqiǵany saltanatty túrde tirkeý rásimi Tuńǵysh Prezident saiabaǵyndaǵy merekelik kontsert bastalar aldynda ótti.
Saiabaqtyń qaq ortasyna ornatylǵan biiktigi 11 metrden asatyn, diametri 20 metrden asatyn shańyraq Global Best of Records álemdik rekordtar kitabyna engizildi. Osy oqiǵaǵa arnaiy uzyndyǵy 100 metrden asatyn syrly syrmaq daiyndaldy.
Foto: Almaty qalasy ákimdiginiń baspasóz qyzmetinen
Aziia jáne Afrika elderi boiynsha rekordtty tirkeý bóliminiń bas ofitseri Qýandyq Qudaibergenov tirkeý rásimin júrgizip, sertifikatty Almaty qalasy Bostandyq aýdanynyń ákimi Azamat Qaldybekovke saltanatty túrde tabystady.
Kóptegen almatylyqtar men megapolis qonaqtary kýá bolǵan is-shara barysynda ulttyq kiim kigen áielder alyp shańyraqtyń astyna toqylǵan syrly syrmaqty jaiyp shyqty.
Bul kórinis kórermenderdiń erekshe qyzyǵýshylyǵyn týdyrdy — kóptegen qonaqtar aýqymdy kompozitsiia aiasynda sýretke túsip, beinejazba jasady.
Foto: Almaty qalasy ákimdiginiń baspasóz qyzmetinen
Oqiǵanyń mańyzy týraly Qýandyq Qudaibergenov aityp ótti.
«Global Best of Records rekordtar kitaby — Ginnestiń rekordtar kitabymen qatar álemge tanymal halyqaralyq reestrlerdiń biri. Bizdiń kitap álemdegi eń iri jinaqtardyń qataryna kiredi jáne 89 eldi biriktiredi», – dedi ol.
Kontserttik baǵdarlama aiasynda Aziia jáne Afrika elderi boiynsha rekordtty tirkeý bóliminiń bas ofitseri rekordtyq kólemdegi syrly syrmaqty ázirlegen sheberler tobyna da marapat tabystady.
Bul oqiǵa ulttyq óner men qazaqstandyq sheberlerdiń tól qoltańbasyn aiqyn tanytqan jarqyn beleske ainaldy.
