QR densaýlyq saqtaý vitse-ministri Ajar Ǵiniiat elimizdegi emhanalardyń jumysy qashyqtan qyzmet kórsetý formatyna aýystyrylǵanyn málim etti, dep habarlaidy QazAqparat.
«Birinshiden, ýchaskelik jáne konsýltatsiialyq qyzmetter múmkindiginshe qashyqtyqtan kórsetilýi tiis. Ekinshiden, josparly kómek pen diagnostikalyq qyzmetter qatań túrde dárigerlerdiń kórsetilimderi boiynsha onlain jazý arqyly júzege asyrylady. Emhanaǵa azamattar aldyn ala kúni buryn shaqyrtylady. Emhanalarda qazirgi jaǵdaida kezek kútýge, kóp adam jinaýǵa jol bermeý kerek. Búgingi kúni jumysty kóshpeli mobildi brigada arqyly uiymdastyrýdy jalǵastyrýdamyz. Osy tańda 383 kóshpeli mobildi brigada jumys isteýde», - dedi ol OKQ-da ótken baspasóz máslihatynda.
Vitse-ministrdiń aitýynsha, osy mobildi toptardyń bir túri KVI boiynsha test alady. Onda meiirbikeler jumys isteidi.
«Brigadanyń ekinshi túri – KVI rastalǵan naýqastarǵa úide qyzmet kórsetedi. Qazirgi ýaqytta 165 myń patsient ambýlatoriialyq jaǵdaida kómek alýda. Brigadanyń úshinshi túri – sozylmaly aýrýlary, onkologiialyq aýrýlary bar adamdarǵa, júkti áielder men balalarǵa kómek kórsetedi», - dedi ol.
