Nur-Sultan qalasynyń ákimi Altai Kólginov Instagram-daǵy paraqshasynda elordanyń qurmetti azamaty ataǵy kimderge berilgenin atady, dep habarlaidy "Ult aqparat".
«Elordanyń árbir turǵyny qalanyń damýyna, onyń qalyptasýyna óz úlesin qosyp keledi. Qalamyzdyń árbir azamaty túrli salada eńbek etip júr. Muǵalimder, meditsina qyzmetkerleri, tártip saqshylary, qurylysshylar, kommýnaldyq qyzmetkerler nemese sýretshiler, olardyń qai-qaisysyn alsaq ta qoǵamnyń damýy úshin aianbai qyzmet etip júr», - dep jazdy Altai Kólginov.
Máslihat sheshimimen elordanyń Qurmetti azamaty ataǵyn belgili kardiohirýrg Iýrii Pia, sáýletshi Sársembek Júnisov, Eńbek ardageri Aýsadyq Áýbekov aldy.
«Olardyń árqaisysynyń kásibi joly qurmetke laiyq. Mysaly, kardiohirýrg Iýrii Pia adam ómirine arasha túsip, qanshama naýqasty aman alyp qaldy. 2012 jyly Iýrii Pia alǵash ret donorlyq júrekti transplantatsiialaý operatsiiasyn jasady, al 2016 jyly respýblikada alǵash ret eń kúrdeli operatsiialardyń biri bolyp sanalatyn ókpe transplantatsiiasyn sátti aiaqtady. 2017 jyly onyń basshylyǵymen alǵash ret halyqaralyq deńgeide jasandy júrek implantatsiialandy. Iýrii Pia — el maqtanyshy, meditsinalyq stýdentter úshin úlgi.
Sársembek Júnisov uzaq jyldar boiy elordany qalyptastyrý boiynsha jumys istedi: qalanyń keshendi kólik shemasyn, jelekjol qurylysy jobasyn ázirleýge, sondai-aq basqa da kóptegen bastamalardy ázirleýge belsendi qatysty. Sondai-aq, qalanyń infraqurylymyn damytýǵa jáne nysandardy salý protsesine Aýsadyq Áýbekov belsendi qatysty», - dedi qala ákimi.
