Elordanyń Baiqońyr aýdanynda jóndeý jumystaryna bailanysty 2-3 maýsym kúnderi aýyz sýmen qamtý toqtatylady, dep habarlaidy "Ult aqparat".
«Astana sý arnasy» MKK 2 maýsym keshki saǵat 21:30-dan 3 maýsym tańǵy 09:00 aralyǵynda JEO-1 men óndiristik aimaqty sýmen qamtamasyz etetin diametri 600 mm-lik aýyz sýmen jabdyqtaý jelisinde qysym rettegishin jóndeý jumystary júrgiziletindigin habarlaidy. Osyǵan bailanysty 2 maýsym kúni saǵat 21:30-dan 3 maýsym kúni saǵat 09:00-ge deiin,ishinara Baiqońyr aýdanynda: Óndiris jáne Kirpichnyi turǵyn úi alaptary, Pýshkin kóshesi, 69 kóshe, Alash tas joly jáne Ál-Farabi dańǵyly, JEO-1 meken-jailary boiynsha aýyz sý berý ýaqytsha toqtatylady», - delingen atalǵan kompaniia baspasóz qyzmeti taratqan aqparatta.
Kásiporyn málimetinshe, 3 maýsymda saǵat 10:00-den 17:00-ge deiin sýmen jabdyqtaý jelilerin iske qosý jumystaryna bailanysty joǵaryda atalǵan aýdandarda sý qysymy tómendeidi.
«Qalanyń damýyna bailanysty bul jumystar sýmen jabdyqtaý jelileriniń sapasy men senimdiligin arttyrý úshin qajet. Sizderden ýaqytsha qolaisyzdyqtarǵa túsinistikpen qarap, turmystyq jáne aýyz sý qajettilikteri úshin kúndelikti sý qoryn aldyn-ala daiyndaýdy suraimyz», - dedi «Astana sý arnasynan».
