Nur-Sultan qalasynyń bas sanitar dárigeri Janna Pirálieva elordada kinoteatrlardyń ashylýyna qatysty túsinik berdi, dep habarlaidy "Ult aqparat".
«Kinoteatrlardyń ashylýy taqyrybyna toqtalsaq, bul epidemiologiialyq jaǵdaiǵa bailanysty bolady. Búginde tiisti qaýly áli shyǵarylmady. Eger de qaýlyny shyǵaratyn bolsaq, onda kórermenderdi otyrǵyzýdyń barlyq algoritmderi men kinoteatrlardy ashý kezindegi qajetti sharalar eskeriledi», - dedi Janna Pirálieva Ortalyq kommýnikatsiialar qyzmetinde.
Eske sala keteiik, mamyr aiynyń sońynda Vedomstvoaralyq komissiia birqatar mekemelerdiń jumysyn jandandyryp, blokpostardy ashý týraly sheshim qabyldady.
Osy oraida 15 maýsymnan bastap kinoteatrlar kórermenderge esigin aiqara ashady. Biraq sanitarlyq talaptardyń saqtalýy mindetteledi.
Budan buryn habarlanǵandai, Janna Pirálieva elordada koronavirýsqa qatysty talaptar oryndalmaǵan jaǵdaida karantin kúsheitilýi múmkin ekenin aitty.
