Elordalyq jastar 5 paiyzben baspana ala alady. Bul týraly «Biz - el patriotymyz» halyqaralyq jastar forýmynda Nur-Sultan qalasynyń ákimi Altai Kólginov aitty, dep habarlaidy QazAqparat.
«Memleket tarapynan jastardy qoldaý úshin barlyq jaǵdai qarastyrylyp otyr. Sonyń ishinde elordalyq jastardyń máselerin jan-jaqty qamtityn «Elorda jastary» baǵdarlamasy qabyldandy. Baǵdarlamanyń negizi maqsaty - elordalyq jastardyń belsendiligin arttyryp, jan-jaqty damýyna múmkindikter jasa, sonymen qatar jastardyń áleýetin arttyryp, eldiń odan ári damýyna baǵyttalǵan jastarǵa basymdyq berý. Baǵdarlama negizgi 4 baǵyttan turady: sapaly jáne qoljetimdi bilim, kásiptik baǵdar; jumyspen qamtý jáne jastar kásipkerligi; baspanamen qamtamasyz etý jáne jas otbasylarǵa qoldaý kórsetý; densaýlyq saqtaý jáne bos ýaqytty uiymdastyrý», - dedi qala basshysy.
Onyń atap ótýinshe, baǵdarlama aiasynda jastar quny 13 mln teńgege deiingi páterlerdi jylyna 5 paiyzben ala alady.
Baǵdarlamanyń bul baǵyty «Otbasy bankpen» birge júrgiziledi.
«Jastardy eńbekke baýlý, tabysqa degen umtylysyn qoldaý - qashan da paidaly. Elordamyzda jastarǵa kásiptiń naǵyz mamany bolýǵa jáne óz bastamasyn júzege asyrýǵa tolyq múmkindik jasalady», - dedi Altai Kólginov.
