Qazirgi ýaqytta mektep muǵalimderiniń 85%-y vaktsinatsiialandy. Bul týraly Nur-Sultan qalasynyń ákimi Altai Kólginov jelidegi paraqshasynda jazdy, dep habarlaidy "Ult aqparat".
«Qyrkúiek aiynda mektepterdi qalypty oqytý formatyna kóshirý úshin muǵalimderdi de, ózge de mektep qyzmetkerlerin vaktsinatsiialaý qajet. Bul densaýlyqty qorǵaýǵa, infektsiiany toqtatýǵa jáne koronavirýstyń jappai taralýyn shekteýge kómektesedi. Qazirgi ýaqytta mektep muǵalimderiniń 85%-y vaktsinatsiialandy. Mysaly, №3, №7, №13, №21, №33, №34, №39, №46, № 81 mektep-gimnaziialary 100% immýndaýdan ótti. Pedagogtardyń barynsha jaýapkershilik tanytqany qýantady. Degenmen, birqatar oqý ornynda vaktsinatsiialanǵandar paiyzy áli de tómen. Muǵalimdermen (mektepter/kolledjder) onlain rejimde jańa oqý jylyna daiyndyq máseleleri talqylandy», - dedi ákim.
Sonymen qatar ákim sońǵy kúnderi qalada infektsiia juqtyrǵandar sanynyń óskeni týraly jazdy.
«Sońǵy kúnderi qalamyzda infektsiia juqtyrǵandar sany artýda. Qosymsha juqpaly aýrýlar statsionarlaryn ashyp jatyrmyz. Táýlik saiyn 300-ge jýyq naýqas aýrýhanaǵa jatqyzylady. Dárigerler atap ótkendei infektsiia juqtyrǵandar qatary koronavirýstyń jańa shtammynyń paida bolýyna, iaǵni «Delta shtammyna» (úndi shtammy degen ataýmen belgili) bailanysty bolyp otyr. Bul — koronavirýstyń asa qaýipti túri, jyldam taralyp, tez juǵady.
Qalada 100 vaktsinatsiialaý pýnkti jumys isteidi, sondai-aq egý oryndary SOO-larda, SÚ-lerde jáne t.b. oryndarda bar. Qazir 286 myńǵa jýyq adam vaktsinatsiialandy. Sońǵy aptalarda vaktsina alǵysy keletinder sany 7 esege deiin ósti. Bul bizdi qatty qýantady. Óz densaýlyǵyńyzdy jáne ainalańyzdaǵy adamdardyń densaýlyǵyn qorǵaý úshin vaktsina alý qajet. Osylaisha ujymdyq immýnitet qalyptasady. Vaktsinatsiia — qorǵanýdyń jalǵyz joly», - dep tolyqtyrdy ákim.
