Elordadaǵy toptyq tóbeles bolǵan túngi klýb iesi jaýapqa tartyldy, dep habarlaidy "Ult aqparat".
Oqiǵa tańǵy saǵat 05.15-te Qabanbai batyr dańǵylynda ornalasqan BaoBao túngi klýbynyń aldynda bolǵan.
«Patrýldik politsiia qyzmetkerleri tóbeleske qatysqandardyń bárin ustap, Esil aýdanynyń politsiiasyna jetkizdi. Jastar sózge kelip, sońy tóbeleske ulasqany anyqtaldy. Ustalǵandardyń bári mas bolǵan. Olardyń ústinen qoǵamdyq tártipti buzǵany úshin Ákimshilik quqyq buzý týraly kodekstiń 440-baby boiynsha ákimshilik is qozǵaldy», - dep jazady departamenttiń baspasóz qyzmeti.
Al tóbeles faktisi boiynsha Qylmystyq kodekstiń 293-baby boiynsha qylmystyq is qozǵalyp, tergeý júrip jatyr. Túngi klýb iesi karantin rejimin buzǵany úshin Ákimshilik quqyq buzý týraly kodekstiń 425-baby boiynsha ákimshilik jaýapkershilikke tartyldy.
