Elordada koronavirýs infektsiiasyna qarsy vaktsina saldyratyn turǵyndardyń sany azaiyp barady. Bul týraly Nur-Sultan qalasynyń bas memlekettik sanitar dárigeri Sarhat Beisenova aitty, dep habarlaidy "Ult aqparat".
«Vaktsina - bul COVID-19-dy jeńýdiń eń qýatty qarýy jáne biz múmkindiginshe kóp adamnyń vaktsina qabyldaýy úshin barlyǵyn jasap jatyrmyz. Vaktsinatsiialaý boiynsha ýaqytsha pýnktterimiz vaktsinatsiiany qajet etetin turǵyndardyń kóbirek sanyn qamtýda mańyzdy ról atqarady. Esterińizge sala keteiin, halyqtyń 60 paiyzynda immýndyq qabat bolmaiynsha, aýrý eshqaida ketpeidi. Ádettegi ómir saltyna qanshalyqty tez oralatynymyz bizdiń azamattarymyzdyń sanasyna bailanysty. Muny tek turǵyndardyń birlesken kúshimen jasaýǵa bolady»,- dedi ol.
Onyń atap ótýinshe, sońǵy aida vaktsinatsiia qarqynynyń tómendeýi baiqalǵan, mamyr aiynda vaktsinatsiia alǵandardyń sany sáýir aiymen salystyrǵanda 46 paiyzǵa kemigen.
«Sondyqtan men áli de COVID-19-ǵa qarsy vaktsinatsiia almaǵan barlyq azamattardy mindetti túrde vaktsina qabyldaýǵa shaqyramyn. Elordadaǵy epidemiologiialyq jaǵdai men koronavirýstyq infektsiianyń ósýi bizdiń júris-turysymyzǵa jáne aldyn alý is-sharalaryn qanshalyqty eskeretinimizge tikelei bailanysty. Sondyqtan ár azamattan osy virýsty jeńý úshin vaktsinatsiia alýǵa ýaqyt bólýdi suraimyn. Tańdaýdy densaýlyq úshin jasaiyq», - dedi Sarhat Beisenova.
