Elorda vaktsina alǵandarǵa arnalǵan alǵashqy eki iPhone kelesi aptada oinatylady. Bul týraly Nur-Sultan qalasynyń ákimi Altai Kólginov aityp berdi, dep habarlaidy "Ult aqparat".
«Biz IT-qaýymdastyqpen keńestik jáne qundy syilyqtardy Birge platformasynda oinatatyn boldyq. Qosymsha jaqynda iske qosyldy. Biz munyń ádilettilik qaǵidaty boiynsha ashyq bolǵanyn qalaimyz, sondyqtan vaktsina alǵan barlyq adam utysqa qatysady. Utys tikelei efirde kezdeisoq sandardy kezdeisoq terý ádisimen ótedi. Alǵashqy iPhone telefondary kelesi aptada oinatylady», - dedi Kólginov Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, apta saiyn eki iPhone oinatylady.
«Meniń oiymsha, bul – vaktsinalaý úshin jaqsy yntalandyrý jáne halyqaralyq tájiribe. Avtokólikter men páterler de dál solai. Avtokólik Megaortalyqta oinatylady», - dedi Altai Kólginov.
