Elordada 7-16 maýsym aralyǵynda Nur-Sultan qalasynyń politseileri jedel aldyn alý sharasyn júrgizedi, dep habarlaidy "Ult aqparat" Nur-Sultan qalasynyń Politsiia deparatmentiniń baspasóz qyzmetine silteme jasap.
Qala aýmaǵynda politsiia jasaqtary kúsheitildi, zańsyz migranttar men ishki ister organdarynda ýaqytyly tirkelmegen tártip buzýshylardy anyqtaý maqsatynda reidter júrgizilip jatyr.
Kóshi-qon qyzmeti jedel aldyn alý sharasy bastalǵannan beri Qazaqstan Respýblikasynda bolý erejelerin buzǵany úshin 1400-ge jýyq sheteldikti jaýapqa tartty. Sheteldikter men azamattyǵy joq tulǵalardy qabyldaityn QR 274 azamatty elde bolý erejelerin buzǵany úshin ákimshilik jaýapqa tartyldy. Sheteldikterdiń eńbek qyzmetin zańsyz júzege asyrǵany úshin 53 jumys berýshige aiyppul salyndy.
Sondai-aq, qyzmetkerler elden shyǵaryp jiberý týraly sot sheshimin oryndamaǵan sheteldikter men azamattyǵy joq tulǵalardy anyqtaidy jáne elden jiberedi. Jedel aldyn alý sharasy bastalǵaly beri shekaralas memleketterdiń azamattary bolyp tabylatyn 64 zańsyz migrant elden májbúrlep shyǵaryldy.
Máselen, bir kúnde politseiler Ózbekstannyń eki azamaty men Tájikstannyń bir azamatyn elden májbúrlep shyǵaryp jiberdi. Buǵan deiin zańsyz migranttarǵa qatysty QR aýmaǵynan shyǵaryp jiberý týraly sot qaýlysy shyǵarylǵan bolatyn.
Politseiler elden shyǵaryp jiberý týraly sot sheshimin oryndamaý qylmystyq jazalanatyn áreket ekenin jáne qylmystyq zańnamaǵa sáikes jaýapkershilikke ákep soǵatynyn eske salady.
