«Elordada kún saiyn 200-ge deiin naýqas koronavirýspen aýrýhana jatqyzylýda. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Timýr Muratov aitty, dep habarlaidy QazAqparat.
«Qabyldanǵan is-sharalardyń barlyǵy koronavirýstyq infektsiiamen aýyratyndardyń sany kún saiyn artyp kele jatqanyn kórsetedi. Biz tósek-oryn sanyn kóbeitýge jáne adami resýrstardy ulǵaitýǵa májbúrmiz. Juqpaly aýrýlar aýrýhanalaryna táýligine 150-200 adam jatqyzyla bastady», - dedi ol.
Basqarma basshysynyń atap ótýinshe, 2001 infektsiialyq tósek-orynnyń 598-i ǵana bos. Onyń ishinde 36 reanimatsiialyq tósek-oryn bar.
«Jansaqtaý bóliminde dál qazir 111 naýqas, KVI-men 100 adam jatyr. Aýyr jaǵdaida 57 naýqas, óte aýyr halde 43 naýqas bar. Al 20-sy ókpeni jasandy jeldetý apparatyna qosylǵan», - dedi Timýr Muratov.
