Elordada qosymsha qatań is-sharalar engiziledi. Bul týraly Nur-Sultan qalasynyń bas memlekettik sanitarlyq dárigeri Sarhat Beisenova aitty, dep habarlaidy "Ult aqparat".
«Sońǵy aptada aldyńǵy aptamen salystyrǵandar naýqastaný deńgeiiniń 65 paiyzzǵa nemese 1400 jaǵdaiǵa ósýine bailanysty jáne epidemiologiialyq ahýaldyń nasharlaýyn eskere otyryp, qosymsha qatań is-sharalar engiziletin bolady», - dedi sanitar dáriger.
Onyń atap ótýinshe, elorda aýmaǵynda saiabaqtardaǵy ashyq aýada jumys isteitin attraktsiondardyń jumysyna tyiym salynady. Qala kúnin atap ótýge de shekteýler engiziledi. Bul rette is-sharalar onlain formatta jáne ashyq aýada Ashyq jobasy arqyly ǵana júrgiziledi. Kórermenderdiń qatysymen kontserttik is-sharalar da ótkizýge bolmaidy.
«Iri sport keshenderinde kórermenderdiń qatysýymen sporttyq is-sharalardy ótkizýge, ekskýrsiialyq týrlar uiymdastyrýǵa tyiym salynady. Bilim berý ortalyqtardynda bilim alýshylardyń sany 15-ten 10 adamǵa deiin qysqartylady jáne demalys kúnderi jumys isteýine tyiym qoiylady», - dedi Sarhat Beisenova.
