Nur-Sultan qalasy boiynsha «Rýhani jańǵyrý» jobalyq keńsesi bastaǵan aktsiiaǵa Nur Otan partiiasy, L.N. Gýmilev atyndaǵy Eýraziia ulttyq ýniversitetiniń oqytýshylary men blogerler qoldaý kórsetýde, dep habarlaidy "Ult aqparat" elorda ákimdiginiń resmi saityna silteme jasap.
«Rýhani jańǵyrý» jobalyq keńsesi karantin ýaqytynda «Qolymdaǵy kitap» aktsiiasyn bastady. Áleýmettik jeli qoldanýshylary arasynda kitap oqý mádenieti nasihattalatyn bolady. Qatysýshylar karantin ýaqytynda ózderi oqyp jatqan kitapty tanystyrady. Sondai-aq ózderiniń súiikti avtorlarymen, shyǵarmalarymen bólisedi.
Aktsiia barysynda kitapqumar bloger jáne qoǵam qairatkerlerimen tikelei efirler, onlain suhbattar uiymdastyrylady.
Onlain is-sharanyń tusaýkeseri bloger Ainur Bulaqbaimen ótkizildi. Tikelei efir barysynda ol kitap oqýdy qalai ádetke ainaldyrý, jyldam oqý tehnikasynyń qupiialarymen bólisti. Efir barysynda kórermender óz suraqtaryna jaýap aldy.
