Elordada Esil ózeniniń boiyndaǵy saiabaqta balalarǵa arnalǵan erekshe alań ashylady, dep habarlaidy "Ult aqparat" qala ákimdigine silteme jasap.
Oiyn alańy «Qalalyq romans» turǵyn úi kesheni janynda ornalasady. Onyń biregeiligi – oiyndarǵa arnalǵan túrli stsenarii bolady.
Sondai-aq, alańda qumsalǵysh, syrǵanaq, baqylaý orny jáne ózge de túrli oiyn elementteri ornatylady. Balalar alańynyń jalpy aýdany – eki myń sharshy metrden astam. Qalalyq Ýrbanistika ortalyǵynyń basshysy Elnar Bazykenniń aitýynsha balalar oiyn aimaǵy biyl jazda ashylady. Ol túrli jastaǵy balalardyń bárine arnalǵan.
Al bos ýaqytyn taza aýada ótkizgisi keletinder úshin alańnyń ainalasynda átkenshek men oryndyq qoiý josparlanyp otyr.
