Nur-Sultan qalasynda COVID-19 boiynsha turaqsyz jaǵdaiǵa bailanysty otbasylyq jáne buqaralyq is-sharalardy ótkizýge tyiym salyndy, dep habarlaidy QazAqparat.
«Epidemiologiialyq anamnezde naýqastardyń 47,3%-y adam kóp jinalatyn oryndarǵa (qoǵamdyq tamaqtaný nysandary, bazarlar, saýda úileri men oiyn-saýyq ortalyqtary jáne t.b.) birneshe ret barǵanyn atap ótken, naýqastardyń 0,8%-y buqaralyq is-sharalardy (úilený toilary, keshter, eske alý, aktsiialar, utys oiyndary jáne t. b.) ótkizýge qatysqan, al 29,2%-y úi jaǵdaiynda saqtyq sharalaryn jasamaǵandyqtan aýyryp qalǵan.
Koronavirýs infektsiiasy boiynsha turaqsyz jaǵdaiǵa bailanysty otbasylyq, estelik is-sharalardy, forýmdardy, konferentsiialardy, seminarlardy, jinalystardy, aktsiialardy, utys oiyndaryn (onlain formatty qospaǵanda) jáne t. b. qosa alǵanda, buqaralyq is-sharalardy ótkizýge tyiym salynady», - dedi S. Beisenova elorda ákimdiginde ótken baspasóz máslihatynda.
Aita keteiik, mamyr aiynyń basymen salystyrǵanda 100 myń turǵynǵa shaqqandaǵy aptalyq syrqattaný kórsetkishi 210-nan 110-ǵa deiin tómendedi. Bir aptada SOVID-19 boiynsha 1315 jaǵdai tirkeldi, syrqattaný kórsetkishi aldyńǵy aptadan 18%-ǵa tómen.
