Nur-Sultan qalasynyń bas sanitar dárigeriniń jańa qaýlysy jariialandy, dep habarlaidy "Ult aqparat".
Qujatta Ashyq jobasyna qatyspaityn qoǵamdyq tamaqtaný nysandarynyń jumys ýaqyty aldyńǵy qaýly boiynsha qalǵany jazylǵan.
«Qoǵamdyq tamaqtandyrý obektileriniń jumysyn (úi-jaida), meiramhana, dámhana jáne kofehanalar tipi boiynsha, ornalasqan jerine qaramastan, kúsheitilgen sanitariialyq-epidemiiaǵa qarsy, sanitariialyq-profilaktikalyq is-sharalardy jáne kórshiles ústelderdiń shetki oryndary arasynda keminde 2 metr áleýmettik qashyqtyqty saqtai otyryp, oryndar júktelimi boiynsha 50%-ǵa deiin, biraq 30 orynnan aspaityn sharttardy saqtai otyryp, jumys kúnderi saǵat 07:00-den 20:00-ge deiin, senbi jáne jeksenbi kúnderi jumystaryna tyiym salýmen jáne ashyq aýada otyratyn oryndarynyń sany 30-dan aspaityn (jazǵy zaldarda) jumys jáne demalys kúnderi saǵat 07:00-den 22:00-ge deiin jumys kestesin belgilei otyryp, tamaqty shtattyq rejimde jetkizý jáne shyǵarý arqyly qyzmet kórsetedi», - dep jazylǵan qaýlyda.
Al Ashyq jobasyna qatysatyn banket zaldary, meiramhanalar men dámhanalar úshin jumys jáne demalys kúnderi úi-jai ishinde saǵat 07:00-den 22:00-ge deiin, ashyq aýada (jazǵy zaldarda) saǵat 7:00-den 24:00-ge deiin jumys rejimi belgilendi.
Sonymen qatar, Ashyq jobasyna qatyspaityn nysandarda banketter, úilený toilary, mereitoilar men eske alý rásimderin uiymdastyrýǵa jáne ótkizýge qatań tyiym salynyp otyr.
Qujat 4 shilde kúngi saǵat 00:00-den bastap kúshine enedi.
