Elordada baǵdarshamnyń qyzyl túsine ótken «Lada» markaly kólik apat saldarynan otqa orandy, dep habarlaidy "Ult aqparat".
Nur-Sultan qalasy politsiia departamentiniń habarlaýynsha, oqiǵa búgin saǵat 06.52-de bolǵan.
«Lada» markaly avtokóliktiń 20 jastaǵy júrgizýshisi Y.Dúkenuly kóshesi jaǵynan Respýblika dańǵylymen kele jatyp, Bógenbai batyr dańǵylynyń qiylysynda baǵdarshamnyń qyzyl túsine ótip ketken. Saldaryna 60 jastaǵy júrgizýshi tizgindegen Hyundai Elantra markaly avtokóligke soǵylǵan.
«Soqqy saldarynan Hyundai Elantra avtokóligi qiylysta turǵan Iveco Crossway markaly marshrýttyq avtobýsyna soǵylǵan. Al «Lada» kóligi otqa orandy. Apat saldarynan «Lada» jáne Hyundai Elantra júrgizýshileri jeńil jaralanǵan. Meditsina mamandary olardy alǵashqy kómek kórsetip, úilerine jiberdi. Oqiǵanyń mán-jaiyn anyqtalýda», - dep habarlady departament.
