Elordanyń politsiia qyzmetkerleri kólikterge qatysty urlyqtyń aldyn alý maqsatynda jedel is-sharalar ótkizip jatyr, dep habarlaidy "Ult aqpart".
Máselen, politsiiaǵa «Kia Rio» markaly kóliktiń iesi mashinasynyń urlanǵany týraly shaǵymdanǵan. Zardap shegýshiniń aitýynsha, túnde úiine kelgennen keiin kóligin qulyptap aýlada qaldyrǵan. Al tańerteń kóliginiń urlanǵanyn bilgen.
«Qylmys ornyn tekserý barysynda politsiia qyzmetkerleri beinebaqylaý kameralarynyń kómegimen tańǵy saǵat 05:00 shamasynda kólik esigin kiltpen ashyp, aidap áketken kúdiktini anyqtady. Shyǵyn 2 mln teńgeden asyp jyǵylady. Tergeý amaldary barysynda kólikti aidap ketken adam anyqtaldy. Ol «Kia Rio» markaly kóliktiń burynǵy iesi bolyp shyqty. Ol kóligin satý mámilesin jasaǵannan keiin ekinshi kiltti ózinde qaldyrǵan jáne mashinanyń jańa qojaiynynyń mekenjaiyn esinde saqtap qalǵan», - delingen Nur-Sultan qalalyq Politsiia departamenti taratqan aqparatta.
Vedomstvo málimetinshe, kúdikti kólikti aidap ketkennen keiin ony jalǵa alynǵan turaqqa jasyryp, ózi basqa óńirge ketip qalǵan.
«Nur-Sultan qalalyq PD Saryarqa aýdandyq PB kriminaldyq politsiia qyzmetkerleriniń tyńǵylyqty izdeý is-sharalarynan keiin kúdikti Qostanai qalasynda ustaldy. Kóliktiń burynǵy iesi kinásin moiyndap otyr», - dedi politsiiadan.
