Nur-Sultan qalasynyń ákimi Altai Kólginov daryndy balalarmen – halyqaralyq jáne respýblikalyq olimpiadalardyń júldegerlerimen, jeńimpazdarymen kezdesti, dep habarlaidy "Ult aqparat".
Biylǵy oqý jylynda elordalyq oqýshylar jalpy bilim beretin pánder boiynsha halyqaralyq deńgeide 400-den astam jáne respýblikalyq deńgeide 900-ge jýyq medal jeńip aldy.
«Elordada 190 myńnan astam oqýshy bilim alatyn 130 jalpy bilim berý mekemesi bar. Adami kapitaldy damytý jáne balalarymyzdyń odan ári damýy úshin jan-jaqty jaǵdai jasaý mańyzdy. Sebebi qazirgi ýaqyt óte qyzyqty jáne básekege toly. Búgingi zaman óz eliniń taǵdyry úshin jaýapkershilikti moinyna ala biletin, básekege qabiletti, jigerli, talantty, belsendi jastardyń ýaqyty», - dep atap ótti elorda ákimi Altai Kólginov.
Sonymen qatar, 14 jyl boiy elorda quramasy jalpykomandalyq esepte 1-oryndy ielenip, «Úzdik komanda» atandy. Bul elordalyq bilim berý júiesiniń joǵary deńgeiin kórsetedi.
«Jyl boiy qashyqtan oqydyq. Ońai bolǵan joq. Alaida muǵalimderdiń eńbeginiń arqasynda bul qiyndyqty da ótkerdik. Ustazdarymyz da bizge senim artty. Ózim matematika páninen olimpiadaǵa qatysyp, úshinshi oryn aldym. Bolashaqta matematika pániniń muǵalimi bolǵym keledi», - dedi daryndy balalarǵa arnalǵan «Bilim-innovatsiia» mektep-litseiiniń 8-synyp oqýshysy Kerimhan Álbar.
Biyl elordada 16 iri gabaritti mektep salynady, osynyń nátijesinde 40 myńnan astam jańa oqýshy orny qurylady. Bul ótken jylmen salystyrǵanda eki ese kóp.
Birqatar mektepte inkliýziiany qoldaý kabinetteri ashyldy.
Mektepterdi salý men jóndeýden bólek, qosymsha bilim berýdi damytýǵa da erekshe kóńil bólinedi. Elordada tehnikalyq shyǵarmashylyq ortalyǵy («Temirjolshylar» TM), M.Ótemisuly atyndaǵy Oqýshylar saraiy kópbeiindi qosymsha bilim berý ortalyǵy retinde jumys isteidi. Osy qosymsha bilim berý ortalyqtarynda robototehnikamen, aviamodeldeýmen, tehnikalyq dizainmen, qolónermen, motokrosspen jáne t.b. ainalysý úshin barlyq jaǵdai jasalǵan. Biyl qosymsha jańa Oqýshylar saraiy ǵimaratynyń qurylysy bastalady.
Aýla klýbtary da balalardy qosymsha bilimmen qamtýǵa kómektesedi. Búginde Nur-Sultanda 28 aýla klýby jumys isteidi, al onda úsh myńǵa jýyq bala bilim alady.
Osy sharalardyń bári balalarǵa sporttyq, shyǵarmashylyq jáne ziiatkerlik áleýetti iske asyrýǵa múmkindik beredi.
