Foto: Májilis
Elnur Beisenbaevtyń Májilis depýtaty retindegi ókilettigi toqtatyldy, dep habarlaidy Ult.kz.
Búgin Parlamenttiń tómengi palatasynyń jalpy otyrysynda Májilis depýtaty Elnur Beisenbaevtyń ókilettigin merziminen buryn toqtatý máselesi qaraldy.
Osy aptada ol Qazaqstan Respýblikasy Prezidenti Ákimshiliginiń ishki saiasat bólimi meńgerýshisi qyzmetine taǵaiyndaldy.
39 jastaǵy Elnur Sabyrjanuly Beisenbaev Ál-Farabi atyndaǵy Qazaq ulttyq ýniversitetin bitirgen.
Eńbek jolyn jastar uiymdarynda, atap aitqanda «Jastar Úni» qoǵamdyq birlestiginiń uiymdastyrý bólimi keńesshisi retinde bastaǵan.
Birneshe jyl boiy memlekettik uiymdarda jumys istep, jastar saiasatyna jaýapty laýazymdarda eńbek etken.
2023 jylǵy qańtardan bastap AMANAT partiiasynyń atqarýshy hatshysy bolyp qyzmet atqarǵan.
VIII shaqyrylǵan Qazaqstan Respýblikasy Parlamenti Májilisiniń depýtaty, AMANAT partiiasy fraktsiiasynyń jetekshisi retinde jumys istedi.
Depýtat retinde jańa Konstitýtsiia normalaryn, áleýmettik-ekonomikalyq máseleler men qoǵamdyq suraqtardy belsendi talqylaǵan.
Áleýmettik jáne saiasi máseleler boiynsha pikirin ashyq bildirip, zań jobalary men reformalarǵa qatysty óz ustanymyn jetkizgen.
