Foto: Májilis
Elnur Beisenbaev Prezident Ákimshiliginde qyzmetke taǵaiyndaldy, dep habarlaidy Ult.kz Aqordanyń baspasóz qyzmetine silteme jasap.
"Memleket basshysynyń ókimimen Elnur Sabyrjanuly Beisenbaev Qazaqstan Respýblikasy Prezidenti Ákimshiliginiń Ishki saiasat bóliminiń meńgerýshisi laýazymyna taǵaiyndaldy", - delingen habarlamada.
Ómirbaiany
Elnur Sabyrjanuly Beisenbaev 27 maýsym 1986 jyly Shymkent oblysy, Kentaý qalasynda dúniege kelgen.
2008 jyly Ál-Farabi atyndaǵy Qazaq ulttyq ýniversitetin «Saiasattaný» mamandyǵy boiynsha bitirgen, 2010 jyly sol jerden saiasattaný magistri dárejesin aldy.
2006-2010 jyldar aralyǵynda «Bolashaq» respýblikalyq qozǵalysy tóraǵasynyń orynbasary, «Jastar úni» jýrnaly bas redaktorynyń orynbasary qyzmetterin atqarǵan.
2010-2012 jyldary — «Jastar úni» jastar qoǵamdyq birlestiginiń tóraǵasy.
2012-2015 jyldar aralyǵynda Almaty qalasyndaǵy №48 mektep-litseide tarih pániniń muǵalimi, Qazaqstan Kommýnistik Halyq partiiasy Almaty qalalyq filialynyń hatshysy boldy.
2015-2017 jyldary — Almaty qalasy Jastar saiasaty máseleleri basqarmasynyń basshysy boldy.
2019-2020 jyldary — Nur-Sultan qalasy ákiminiń keńesshisi boldy.
2020 jyldyń 23 qańtarynan 2021 jyldyń qańtaryna deiin «Nur Otan» partiiasy qaramaǵyndaǵy «Jas Otan» Jastar qanatynyń tóraǵasy boldy.
2021 jyldyń 15 qańtarynan 2023 jyldyń 11 qańtaryna deiin — «Nur Otan» partiiasynyń (2022 jyldyń 1 naýryzynan bastap «Amanat» partiiasy bolyp ózgertildi) partiialyq tizimi boiynsha Qazaqstan Parlamenti Májilisiniń VII sailanym depýtaty boldy.
2023 jyldyń 4 qańtarynan 17 shildesine deiin — «Amanat» partiiasynyń atqarýshy hatshysy boldy.
2023 jyldyń 29 naýryzynan bastap — «Amanat» partiiasynyń partiialyq tizimi boiynsha Qazaqstan Respýblikasy Parlamenti Májilisiniń VIII sailanym depýtaty boldy.
