Elimizge Pfizer vaktsinasynyń 379 myń dozasy jetkizildi. Bul týraly QR Densaýlyq saqtaý ministri Aleksei Tsoi aitty, dep habarlaidy QazAqparat.
«Ministrlik Pfizer kompaniiasynyń Comirnaty vaktsinasynyń 4 mln 230 myń doza vaktsina satyp aldy. Bul 2 mln 115 myń adamdy qamtýǵa múmkindik beredi. Respýblikaǵa 379 myń doza kóleminde birinshi partiiasy jetkizildi. Ony Dúniejúzilik densaýlyq saqtaý uiymy 12-den 18 jasqa deiingi balalar men jasóspirimderdi, júkti jáne bala emizetin analardy vaktsinatsiialaý úshin usynady», - dedi ministr Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, jasóspirimderdi vaktsinatsiialaýǵa bilim berý uiymdarynyń egý kabinetterinde ata-analarynyń nemese olardyń zańdy ókilderiniń aqparattandyrylǵan jazbasha kelisimimen ǵana jol beriledi. Ata-analarynyń nemese zańdy ókilderiniń qalaýy boiynsha jasóspirimder meditsinalyq uiymnyń egý pýnktterinde egile alady.
«Vaktsinanyń qaýipsizdigi men tiimdiligin qamtamasyz etý úshin saqtaý men tasymaldaýdyń ártúrli deńgeilerinde «sýyq tizbek» qamtamasyz etiledi. Comirnaty (Pfizer) vaktsinasyn saqtaý erekshelikterin eskere otyryp, vaktsinany saqtaý jáne tasymaldaý erejelerin saqtaý boiynsha sharalar qabyldandy. Oblystyq qoimada vaktsina 60-90 gradýs temperatýrada saqtalady. Vaktsina 6 dozaly, ádettegi tońazytqysh jaǵdaiynda, iaǵni egý pýnktterinde +2 - +8 temperatýrada vaktsinany basqa infektsiialyq aýrýlarǵa qarsy qoldanylatyn vaktsinalar siiaqty 31 kún saqtaýǵa bolady», - dedi Aleksei Tsoi.
Ministrdiń aitýynsha, vaktsina bilim berý uiymdaryna 1 jumys kúnine arnalǵan shyǵyndy eskere otyryp, termokonteinerlerde tasymaldanady.
«Vaktsinatsiia birinshi dozany alǵannan keiin 21-den 28 kúnge deiingi aralyqpen eki ret júrgiziledi», - dedi ol.
Álemdik tájiribege sáikes balalardy vaktsinatsiialaý álemniń 30-dan astam elinde júrgizilýde, onyń ishinde 15-ten astam elde balalardy vaktsinatsiialaý úshin Pfizer vaktsinasy paidalanylady. Negizinen vaktsinatsiia 12 jastan bastap júrgiziledi, alaida jekelegen elderde 3 jastan bastap jáne 5 jastan bastap júrgizilýde. Búgingi kúni álemde koronavirýs infektsiiasyna qarsy 60 millionnan astam balalar men jasóspirimder egildi.
