Elimizdiń tórt óńirinde aýa raiyna bailanysty eskertý jariialandy, dep habarlaidy "Ult aqparat".
Kúndiz 15, túnde 16 mamyrda Soltústik Qazaqstan oblysynyń basym bóliginde kei jerlerde nóser jańbyr jaýady. Sondai-aq 15-16 mamyrda táýlik boiy kei jerlerde kún kúrkirep, daýyl, burshaq jaýýy yqtimal. Ońtústik-batystan, batystan jel soǵady, kei jerlerde kúshi 15-20 m/s jetedi.
Petropavlda 15-16 mamyrda naizaǵai, burshaq kútiledi. Ońtústik-batystan, batystan jel soǵady, ekpini 15-20 m/s.
15 mamyrda Qaraǵandy oblysynyń kei jerlerinde naizaǵai jarqyldaidy. Jel batystan, ońtústik batystan soǵady, kei jerlerinde jyldamdyǵy 15-20 m/s jetedi.
Qaraǵandyda 15 mamyrda kún kúrkirep, naizaǵai jarqyldaidy. Jel batystan, ońtústik batystan soǵady, kúndiz ekpini 15-20 m/s jetýi múmkin.
15 mamyrda Almaty oblysynda kei jerlerde qatty jańbyr, naizaǵai, daýyl, burshaq kútiledi. Soltústik batystan soǵatyn jeldiń kúshi 17-22 m/s.
Taldyqorǵanda 15 mamyrda soltústik batystan jel soǵady, jyldamdyǵy 15-20 m/s jetedi.
15 mamyrda kúndiz Aqmola oblysynyń basym bóliginde jańbyr jaýady. Kei jerlerde naizaǵai, daýyl, burshaq jaýýy yqtimal. Ońtústik batystan soǵatyn jel soltústik-batysqa aýysady, túnde kei jerlerde kúshi 15-20 m/s, kúndiz 15-20, kei jerlerde 23 m/s bolady.
Kókshetaýda tańerteń jáne kúndiz 15 mamyrda naizaǵai, burshaq kútiledi, ońtústik batystan soǵatyn jel soltústik-batysqa aýysady, ekpini 15-20 m/s.
Nur-Sultanda 15 mamyrda naizaǵai oinap, burshaq jaýýy múmkin. Ońtústik batystan soǵatyn jeldiń ekpini tańerteń jáne kúndiz 17-22 m/s jetedi.
