Foto: Depositphotos
13–23 naýryz aralyǵynda aýqymdy «Nauryz Sale» aktsiiasy júredi, dep habarlaidy Ult.kz.
Naýryz merekesi qarsańynda elimizdiń barlyq saýda oryndarynda 10-70 paiyz aralyǵynda jeńildikter júredi.
Aktsiialyq taýarlar saýda zaldarynda arnaiy merekelik navigatsiia jáne «Nauryz» firmalyq bezendirýi arqyly belgilenedi. Atap aitqanda, taqyryptyq baǵa belgileri, brendtelgen kórsetkishter, bannerler jáne basqa da POS-materialdar ornalastyrylyp, satyp alýshylarǵa assortimentte ońai baǵdarlanyp, jeńildikpen usynylǵan taýarlardy jyldam tabýǵa múmkindik beredi.
Aktsiiaǵa ishki saýda salasynyń shamamen 300 sýbektisi qatysady. Olardyń qatarynda 140 saýda úii men saýda-oiyn-saýyq ortalyǵy, 140 saýda jelisi jáne 20 elektrondyq saýda sýbektisi bar.
Qatysýshylar qatarynda eldiń iri saýda jelileri — Magnum, Small, Galmart, «Anvar», «Dina», Toimart, «Astykjan», «Aian», Greenwich jáne basqalary, sondai-aq Mega Silk Way, Keruen, Keruen City, «Arýjan», «Saryarka», Shymkent Plaza siiaqty iri saýda úileri men saýda-oiyn-saýyq ortalyqtary bar.
