Foto: QR OAM
20 naýryz kúni elimizdiń barlyq mektepterinde Naýryz merekesine orai «Ulttyq oiyndar kerýeni» atty respýblikalyq mektep aktsiiasy uiymdastyrylady. Is-sharaǵa 1–11 synyp oqýshylary, pedagogter jáne ata-analar qaýymdastyǵynyń ókilderi qatysady, dep habarlaidy Ult.kz.
Aktsiia ulttyq sport túrleri men dástúrli oiyndardy keńinen nasihattaýǵa, oqýshylardyń dene shynyqtyrýǵa degen qyzyǵýshylyǵyn arttyrýǵa, sondai-aq jas urpaqtyń boiynda qazaq halqynyń mádeni murasy men salt-dástúrlerine degen qurmetti qalyptastyrýǵa baǵyttalǵan.
«Ulttyq oiyndar kerýeni» elimizdiń barlyq óńirlerinde Astana ýaqytymen saǵat 10:00-de bastalady. Bul bastama ulttyq dástúr sabaqtastyǵyn dáriptep, oqýshylardy ortaq mádeni qundylyqtar tóńireginde biriktirýge múmkindik beredi.
Aktsiia aiasynda mektepterde ulttyq oiyndarǵa arnalǵan arnaiy alańdar uiymdastyrylyp, is-sharalar sporttyq-oiyn festivali formatynda ótedi. Oqýshylar asyq atý, toǵyzqumalaq, arqan tartý, láńgi siiaqty ulttyq oiyndarǵa qatysyp, jas erekshelikterine beiimdelgen oiyndar men taqyryptyq estafetalarda baq synaidy.
Kóktem merekesin atap ótý sharalary 12-23 naýryz aralyǵynda elimizdiń barlyq mektepterinde ótýde. Bilim berý uiymdarynda taqyryptyq chellendjder, ekologiialyq aktsiialar, ulttyq oiyndar men mádeni-tanymdyq is-sharalar uiymdastyrylýda.
