Tótenshe jaǵdailar komiteti azamattardy sý aidyny men ormandy-dalaly aimaqtarda qaýipsizdik erejelerin saqtaýǵa shaqyrady, dep habarlaidy mekemeniń baspasóz qyzmeti.
«Qazgidromet» RMK málimeti boiynsha, elimizdiń 10 óńirinde qatty ystyq saqtalady. 15 shilde kúndiz Batys Qazaqstan, Atyraý, Aqtóbe, Qaraǵandy, Qostanai, Qyzylorda, Mańǵystaý, Soltústik Qazaqstan, Túrkistan oblystarynda 35-39, 40-42 gradýsqa deiin qatty ystyq, ekpini sekýndyna 15-20 metrge jetetin jel, kei jerlerde shańdy daýyl soǵady.
15-16 shilde kúndiz Aqmola oblysynyń kei aimaqtarynda 35 gradýs ystyq pen tótenshe órt qaýpi saqtalady. Daýyl yqtimaldyǵy – 80-85%.
«Respýblikada qatty ystyq aýa raiy ózgermei turǵandyqtan, órt qaýpiniń joǵary dárejesi saqtalady» delingen TJK habarlamasynda.
Tótenshe jaǵdai komiteti azamattardy qaýipsizdik erejelerin saqtaýǵa shaqyrady.
