Bas memlekettik sanitar dárigerdiń 2 qyrkúiektegi qaýlysyna sáikes osy aptada elimizdegi barlyq meshittiń aýlasynda juma namazyn oqýǵa ruqsat berildi, dep habarlady Muftiyat.kz.
QMDB-ǵa qarasty 19 ókildiktiń beseýinde ǵana juma namazyn oqý ýaqytsha toqtatylǵan bolatyn. Jańa qaýlyǵa sáikes endi elimizdiń barlyq óńirinde juma namazy meshit aýlasynda oqylady.
"Meshitter, pravoslavie shirkeýleri jáne basqa da dini obektiler aýmaǵynda ujymdyq dini is-sharalardy (onyń ishinde "juma namazy", kúndelikti pravoslavielik duǵalar jáne basqalaryn) ashyq aýada ótkizý maska rejimi men bir adamǵa keminde 4 metr esebinen áleýmettik qashyqtyq saqtalǵan kezde júzege asyrylady", - delingen bas memlekettik sanitar dárigerdiń qaýlysynda.
Qaýlyda shekteý is-sharalaryn, onyń ishinde karantindi engizý kezeńinde dini obektilerdegi sanitariialyq-dezinfektsiialyq rejimge qoiylatyn talaptar da kórsetilgen. Atap aitqanda, meshitterde bir ret qoldanylatyn meditsinalyq maskalardyń jetkilikti qorymen, sondai-aq qoldy óńdeýge arnalǵan dezinfektsiialyq sýlyqtarmen, teri antiseptikterimen, dezinfektsiialaý quraldarymen qamtamasyz etýdi uiymdastyrý, dini obektilerde personal men dini qyzmetshilerdiń maskalar kiiýin qamtamasyz etý mindettelgen.
Sondai-aq ǵibadat úilerine (qurylystaryna) kirýge mindetti túrde maska bolǵan jaǵdaida ruqsat etiledi.
