Qazaqstanda 57 radikal sottaldy, - dep habarlaidy "Ult aqparat" QR UQK-ne silteme jasap.
Vedomstvonyń málimetinshe, 2016 jyldyń basynan bastap ulttyq qaýipsizdik organdary Qazaqstanda lańkestik jáne dini-ekstremistik qylmystar jasaǵany úshin 57 radikaldy sottaǵan.
"Tórt jeke tulǵa men segiz radikal toptyń joly kesilip, beitaraptandyrdy", - dedi UQK-niń ókilderi.
Biylǵy 31 tamyzda Ulttyq qaýipsizdik komitetiniń Batys Qazaqstan oblysy men Aqtóbe oblystarynyń territoriiasynda úsh lańkestik toptyń joly kesilgeni aitylady.
Osy toptardyń múshelerine qatysty sotqa deiingi tergeý jumystary QR QK 174-baby ("Áleýmettik, ulttyq, rýlyq, násildik, tektik-toptyq nemese dini alaýyzdyqty qozdyrý"), 256-baby ("Terrorizmdi nasihattaý nemese terrorizm aktisin jasaýǵa jariia túrde shaqyrý"), 257-baby ("Terroristik top qurý, oǵan basshylyq etý jáne onyń áreketine qatysý") 231-baby ("Jalǵan aqsha nemese baǵaly qaǵazdar jasaý, saqtaý, alyp ótý nemese ótkizý"), 287-baby ("Qarýdy, oq-dárilerdi, jarylǵysh zattardy jáne jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý"), 288-baby ("Qarýdy zańsyz jasaý") boiynsha is qozǵalǵan.
Sot sanktsiiasy boiynsha Batys Qazaqstannan 10 adam jáne Aqtóbe oblysynda 11 adam sottalǵan.
Ult portaly
