Foto: videodan skrinshot
Zańsyz dári saýdasyna bailanysty myńnan astam meditsinalyq mekeme jáne 300 kásiporyn tekserildi, dep habarlaidy Ult.kz.
Áseri kúshti dárilerdi zańsyz satý boiynsha 16 qylmystyq is qozǵalyp, dárihana qyzmetkerlerine qatysty 13 qylmystyq is tirkeldi. 500 myńnan astam dári jáne 1,5 myń tonna prekýrsordyń ainalymy shektelgen. Sondai-aq 73 kásiporyn basshysy jaýapkershilikke tartyldy.
Bul týraly IIM esirtki qylmysyna qarsy is-qimyl komitetiniń tóraǵasy Daniiar Meiirhan aitty.
«Almatyda retseptisiz dári satqan tórt dárihananyń farmatsevtterine qatysty qylmystyq ister qozǵaldy. Aqtóbede iri farmatsevtikalyq mekemege qatysty is qozǵalyp, 400 myń dári tárkilendi. Túrkistan oblysynda 100 tonna kúkirt qyshqyly arnaiy kúzetsiz tasymaldanǵan. Abai oblysynda 680 tonna prekýrsordy tasymaldaý erejesi buzylǵan», - dedi Daniiar Meiirhan
