17 mamyrda Qazaqstanda 1837 adamnyń analizinen koronavirýs tabyldy. Eki kún burynǵy málimet boiynsha, taǵy 1 adam koronavirýs pnevmoniiasyna shaldyqqan. 16 mamyrda 25 adam ólimi tirkelgen: 22 adam – koronavirýstan, 3 adam koronavirýs pnevmoniiasynan qaitys boldy dep aitylady.
Dúisenbi kúni Almatyda – 520, Qaraǵandy oblysynda – 320, Nur-Sultanda – 251, Aqmola oblysynda – 139, Almaty oblysynda – 109, Pavlodar oblysynda – 92, Batys Qazaqstan oblysynda 92 adamnan koronavirýs anyqtaldy. Shymkentte – 30, Aqtóbe oblysynda – 24, Atyraý oblysynda – 48, Shyǵys Qazaqstan oblysynda – 78, Jambyl oblysynda – 25, Qostanai oblysynda – 33, Qyzylorda oblysynda – 35, Mańǵystaý oblysynda – 13, Soltústik Qazaqstan oblysynda – 11, Túrkistan oblysynda 17 naýqas tirkelgen.
2020 jyldyń 13 naýryzynan beri 362 030 adamǵa Covid juqqany PTR testpen rastalǵan, 4095 adam koronavirýstan qaitys bolǵan. Úkimet qurǵan arnaiy komissiia aǵzasynan virýs tabylsa da "koronavirýstan emes, basqa aýrýdan qaitys boldy" degen 1,5 myńnan astam adam ólimi resmi statistikaǵa engizilmegen.
DSM pnevmoniianyń koronavirýsqa uqsas túri – koronavirýs pnevmoniiasyna shaldyqqandardy da biraz ýaqyt Covid statistikasyna qospai keldi. Biraq halyqaralyq uiymnyń yqpalymen byltyr 1 tamyzdan beri esepke ala bastaǵan. Sodan beri 54 153 adamǵa koronavirýs pnevmoniiasy diagnozy qoiylǵan. 863-i qaitys bolǵan.
Osyǵan deiin halyqaralyq institýt zertteýinde Qazaqstanda koronavirýs infektsiiasynan qaitys bolǵandar sany resmi statistikada kórsetilgennen 14,5 ese kóp ekeni aitylǵan edi. Qazaqstan biligi ótken aptada elde indet kezinde koronavirýstan 6500-den astam adam qaitys bolǵanyn rastap, biraq ony resmi statistikaǵa áli qosyp úlgermegenin aitty.
18 mamyr kúngi málimet boiynsha, Qazaqstanda 1 mln 871 myń adamǵa koronavirýsqa qarsy vaktsinanyń keminde alǵashqy dozasy salynǵan. 778 myńnan astam adam vaktsinanyń eki dozasyn alǵan.
18 mamyrdaǵy málimet boiynsha, elimizde 38 151 adam koronavirýs infektsiiasynan (37 694 KVI+ jáne 457 KVI-) emdelip jatyr. Onyń ishinde 13 768 patsient statsionarda, 24 383 naýqas ambýlatoriialyq deńgeide em qabyldaýda.
Amerikalyq Djons Hopkins ýniversitetiniń málimeti boiynsha, álemde koronavirýs juqtyrǵandar 163 mln adamǵa jetken. 3 mln 385 myń adam virýstan qaitys bolǵan.
