Foto: gov.kz
Elimizde sý tasqyny boiynsha naqty boljam 1 naýryzda daiyn bolady. Bul týraly 24 aqpanda Úkimet úiinde ótken baspasóz konferentsiiasynda Sý resýrstary jáne irrigatsiia vitse-ministr Nurlan Aldamjarov Ult.kz tilshisiniń suraǵyna jaýap berý kezinde aitty.Vitse-ministrdiń sózinshe gidrotehnikalyq qurylystar boiynsha barlyq nysan sý tasqyny kezeńine daiyn, qajetti tekserýler júrgizilgenin.
"Alda 1 naýryzda «Qazgidromet» mekemesi naqty boljamdy beredi. Soǵan sáikes ary qarai sý qoimalardy retteitin bolamyz. Sondyqtan bizdiń ministrlik tarapynan algoritmge sáikes naqty jumystar atqarylýy kerek", - dedi ol.
Eske salsaq 2024 jyly elimizdiń basym bóliginde sý tasqyny bolyp, óńirler úlken shyǵynǵa ushyraǵan bolatyn. Tilshimiz Nurlan Aldamjarovtan "sý tasqyny bolmaidy dep kepildik bere alasyzdar ma?" dep suraǵan edi:
"Mundai kepildikti eshkim bere almaidy. Biraq 2024 jylǵy sý tasqynynan sabaq aldyq. 2025 jylǵa qaýipti aimaqtardy aldyn ala anyqtap, zalalsyz ótkizý úshin shara qabyldadyq. 2026 jylǵy tasqyn kezeńinde de osy josparmen jumys isteimiz", - dep jaýap berdi vitse-ministr.
