QR Mádeniet jáne sport ministri Aqtoty Raiymqulova balalar-jasóspirimder sport klýbtarynyń sany ulǵaitylatynyn aitty, dep habarlaidy "Ult aqparat".
«Sport túrleri boiynsha stýdentter men oqýshylar ligalarynyń sanyn arttyrý josparlanýda. Búginde atalǵan ligalar 7 oiyn sport túrleri boiynsha Bilim jáne ǵylym ministrliginiń qoldaýymen aýdandyq, qalalyq, oblystyq jáne respýblikalyq deńgeide ótkizilýde. Ligaǵa 1,5 mln oqýshy men stýdent tartý josparlanyp otyr», - dedi ministr Ortalyq kommýnikatsiialar qyzmetindegi onlain baspasóz máslihatynda.
Onyń sózine qaraǵanda, elimizde 579 balalar-jasóspirimder klýby jáne 107 balalar-jasóspirimder dene shynyqtyrý klýby jumys isteýde. Osy oraida balalar-jasóspirimder klýbyn 700-ge deiin, al balalar-jasóspirimder dene shynyqtyrý klýbtary sanyn 340-qa deiin jetkizý josparlanǵan. Bul sharalar sportpen shuǵyldanýshylar sanyn 100 myń adamǵa ulǵaitady dep josparlanýda.
Sonymen qatar, óńirlerdegi dárigerlik dene shynyqtyrý dispanserleriniń jumysyn uiymdastyrý kózdelip otyr.
