Keńes quramyna Olimpiada chempiondary men júldegerleri, álem chempionattarynyń jeńimpazdary men júldegerleri, qazirgi sportshylar, sondai-aq el sportynyń damýyna eleýli úles qosqan ardagerler endi, dep habarlaidy ult.kz.
Olardyń mol tájiribesi men kásibi bilimi sport salasyndaǵy ózekti máselelerdi sheshýge jáne dene shynyqtyrý men sport salasyndaǵy memlekettik saiasatty jetildirýge jumyldyrylady.
«Sportshylar keńesi» otandyq sportty damytýǵa qatysty ózekti máseleler boiynsha sportshylar, memlekettik organdar, sport federatsiialary jáne sarapshylar qaýymdastyǵy arasyndaǵy ózara is-qimyldy qamtamasyz etetin tiimdi dialog alańyna ainalady.
Keńestiń qyzmeti sportshylardyń múddelerin qorǵaýǵa, salany damytýǵa qatysty usynystar ázirleýge jáne memlekettik bastamalardy iske asyrýǵa baǵyttalady.
«Sportshylar keńesiniń» qurylýy sportshylardyń salany damytýǵa qatysty sheshimder qabyldaý úderisindegi rólin kúsheitýge múmkindik beredi. Sonymen qatar bul bastama sport qaýymdastyǵy, memlekettik organdar jáne qoǵam arasyndaǵy tiimdi dialogty nyǵaitýǵa yqpal etedi.
