Elimizde KVI-den emdelgender aýyrǵandarǵa qaraǵanda 30 paiyzǵa artty. Bul týraly Úkimet otyrysynda Densaýlyq saqtaý ministriniń mindetin atqarýshy Jandos Búrkitbaev aitty, dep habarlaidy QazAqparat.
«Epidemiologiialyq jaǵdaidy baǵalaý matritsasyna sáikes búgingi kúni 15 óńir jáne Qazaqstan Respýblikasy «jasyl» aimaqta ornalasqan. Qalǵan 2 óńir – Soltústik Qazaqstan oblysy jáne Nur-Sultan qalasy sary aimaqta. Qyzyl aimaqta óńir joq. Reprodýktivti san 0,96-ti quraidy», - dedi ministr mindetin atqarýshy.
Onyń aitýynsha, emdelip shyqqan adamdar sanynyń naýqastardan basym bolýy turaqty epidemiologiialyq jaǵdaidy kórsetedi.
«Qyrkúiek aiynan bastap emdelip shyqqan adamdardyń sany naýqastardan 30 paiyzǵa artqan», - dedi ol.
