Foto: ashyq derekkóz
Memleket basshysy jaqyn arada memlekettik nagradalar qataryna Qoja Ahmet Iasaýi ordenin engizý jóninde Jarlyqqa qol qoiatynyn málimdedi, dep habarlaidy Ult.kz.
Bul joǵary marapat belgili otandyq jáne sheteldik ǵalymdarǵa, memleket jáne qoǵam qairatkerlerine tapsyrylatyn bolady.
"Qoja Ahmet Iasaýi – búkil jer júzindegi adamzatqa ortaq ǵulama, ony bárimiz eń aldymen qazaq halqynyń maqtanyshy retinde qabyldaýymyz kerek. Bul tulǵany álemniń árbir túkpirinde, ásirese, iri memleketterde keń aýqymda dáripteýimiz qajet, biraq eń birinshiden Qazaqstannyń jurtshylyǵyna tanymal etýimiz kerek", - dedi Prezident.
Memleket basshysy osy tarihi tulǵaǵa joǵary sapaly týyndylardy jáne filmderdi arnaýdy, elimizdiń árbir oblysynda Qoja Ahmet Iasaýidiń biregei ziiatkerlik murasyna arnalǵan oqýlardy uiymdastyrýdy tapsyrdy.
