Qazaqstanda koronavirýspen aýyrǵan adamdar sany 3,1 ese azaidy. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Respýblikada oń PTR testimen koronavirýs infektsiiasynyń 980 372 jaǵdaiy jáne teris PTR testimen 83 437 jaǵdaiy tirkeldi. Naýqastardyń 96 paiyzdan astamy saýyǵyp shyqty», - dedi Aleksei Tsoi.
Onyń atap ótýinshe, reprodýktivti san – 0,89 jáne tamyz aiymen salystyrǵanda 1,2 ese tómendegeni baiqalady.
«Jalpy Qazaqstanda sońǵy aida aýyrǵan adamdardyń sany 3,1 esege azaidy. Statsionarlyq jáne ambýlatoriialyq em alyp jatqandardyń sany 1,7 esege qysqardy. Infektsiialyq tósekterdiń qamtylýy 23, reanimatsiialyq tósekter 20 paiyzdy quraidy», - dedi ministr.
