Koronavirýs tirkelgeli beri elimizdegi statsionarlarǵa 21 sheteldik azamat tústi. Bul týraly QR bas memlekettik sanitar dárigeri Aijan Esmaǵambetova QR Densaýlyq saqtaý ministrliginiń media ortalyǵynda ótken tikelei efirde aitty, dep habarlaidy "Ult aqparat".
«Koronavirýs jaǵdaiy tirkelgeli elimizdegi statsionarlarǵa 21 sheteldik azamat tústi. Onyń 14-i emdelip shyqty. Jeteýi qazir emdelip jatyr, onyń ekeýi - Nur-Sultan qalasynda, úsheýi - Atyraýda, bireýi - Qostanai oblysynda jáne endi bireýi - Soltústik Qazaqstan oblysynda. Olardyń jaǵdaiy birqalypty», - deidi QR Bas memlekettik sanitar dárigeri Aijan Esmaǵambetova.
Onyń aitýynsha, otbasylyq merekelerdi ótkizýge tyiym salynǵan.
«Aimaqtardyń birinde tyiym salynǵanyna qaramastan aýyzashar jasaǵan jaǵdai kezdesti. Qonaqqa barǵandardyń ishinde koronavirýs infektsiiasyn juqtyrǵan adam bolǵan. Sondyqtan qonaqqa barýdy, qonaq shaqyrýdy, aýyzasharǵa barýdy toqtatý kerek», - deidi ol.
