Kedergisiz qozǵalys, turmystyq qajettilikterge qoljetimdilik, ózin qoǵamnyń belsendi múshesi seziný halyqaralyq uiymdar talaptaryn saqtaýdy maqsat etetin Qazaqstan úshin mańyzdy. Múgedektigi bar adamdardyń quqyqtary men erkindikterin qamtamasyz etý elimizde turaqty júzege asyp jatyr. Elimizde infroqurylymdardyń múmkindigi shekteýli jandarǵa beiimdelýi kezeń-kezeńimen iske asyp jatyr.
Qazaqstan Respýblikasy Eńbek jáne halyqty áleýmettik qorǵaý ministrligi málimetterine súiensek, Respýblikamyzda áleýmettik infraqurylymdardyń ishinde 29 531 nysan múgedek jandarǵa beiimdelgen. Osy jyldyń sońyna deiin el boiynsha 34 349 nysandy beiimdeý josparlanǵan.
Búgingi kúni densaýlyq saqtaý salasyndaǵy infroqurylymdardyń 4 800-den astamy qazirgi zaman talaptaryna sai múgedekterge beiimdelip jasaqtalǵan. Al bilim berý salasynda 9 300-den asta jáne mádeniet salasynda 3 000-nan artyq nysan múmkindigi shekteýli jandarǵa yńǵailastyryp jasaqtalǵan. Sonymen birge saýda jáne qyzmet kórsetý nysandary shamamen 6 000 jáne memlekettik jáne kvazimemlekettik uiymdardaǵy infroqurylymdaryń 4122 nysany múgedekterdiń júrip-turýyna qolaily. Ózge de nysandardyń 2 140-y zaman talabyna sai múgedekterge kedergisiz qozǵalýǵa beiimdelgen.
