Foto: gov.kz
Qazaqstanda eń tómengi jalaqyny 150 myń teńgege deiin kóterý qarastyrylyp jatyr. Bul týraly ulttyq ekonomika birinshi vitse-ministri Azamat Ámrin málimdedi, dep habarlaidy Ult.kz.
Qazirgi tańda eń tómengi jalaqy 85 myń teńgeni quraidy. Vitse-ministrdiń aitýynsha, bul kórsetkishti kezeń-kezeńimen arttyrý josparlanǵan.
Onyń sózinshe, halyqaralyq tájiribede eń tómengi jalaqy medianalyq jalaqynyń shamamen 50 paiyzyna teń bolýy tiis. Osy esepke sáikes, eldegi maqsatty deńgei — 150 myń teńge.
Alaida naqty merzim ázirge belgisiz. Bul sheshim respýblikalyq biýdjettiń kirisine jáne ekonomikalyq jaǵdaiǵa bailanysty qabyldanady.
«Eger biylǵy túsimder turaqty bolsa, mundai ósimdi júzege asyrýǵa qarjylyq múmkindik paida bolady», – dedi Ámrin.
