QR Energetika ministri Maǵzum Myrzaǵaliev elimizde elektr energiiasy qajettiligin qamtý maqsatynda qandai sharanyń qabyldanyp jatqany týraly aityp berdi, dep habarlaidy QazAqparat.
«Biylǵy jyldyń qorytyndysy boiynsha elektr energiiasyn óndirý saǵatyna 112,3 mlrd kVt-ty qurap otyr. Tutyný kólemi ótken jylmen salystyrǵanda 6,3 paiyzǵa ósti. Osy oraida qazan-qarasha aiynda 0,25 mlrd kVt kóleminde elektr energiiasynyń tapshylyǵy baiqaldy. Atalǵan tapshylyq Resei Federatsiiasynyń energiia kózderi esebinen óteldi. 2030 jylǵa qarai elektr energiiasyn óndirýdi saǵatyna 141,2 mlrd kVt-qa deiin ulǵaitý josparlanyp otyr. Osylaisha, el ekonomikasynyń elektr energiiasyna degen qajettiligin óteý maqsatynda óndiristi 11 GVt-qa deiin jetkizý mindeti tur. Ol mindetke jumys istep turǵan elektr stantsiialaryn qaita jańǵyrtý, jańa stantsiialar salý, sondai-aq jańartylatyn energiia kózderin iske qosý arqyly qol jetkizilmek», - dedi M. Myrzaǵaliev Úkimet otyrysynda.
Onyń aitýynsha, biyl elimizde jańartylatyn energiia kózin óndiretin 19 nysan iske qosyldy.
«Otyn-energetikalyq kesheni salasynda jalpy somasy 29,8 trln teńge bolatyn 157 jobany iske asyrý josparlanǵan. Ministrlik belgilengen josparlardy oryndaý úshin jáne alynǵan mindettemeler sheńberinde maqsattarǵa qol jetkizý úshin barlyq kúsh-jigerin salatyn bolady. Búgingi kúni bizdiń ministrlik 2030 jylǵa deiingi elimizdiń otyn-energetikalyq keshenin odan ári damytý tujyrymdamasyn ázirledi», - deidi vedomstvo basshysy.
