Búginde álem boiynsha jeti ǵylymi ujym koronavirýsqa qarsy vaktsina oilap tabý úshin klinikalyq synaq ótkizip jatyr. Bul týraly QR bas memlekettik sanitar dárigeri Aijan Esmaǵambetova QR Densaýlyq saqtaý ministrliginiń media ortalyǵynda ótken tikelei efirde aitty, dep habarlaidy QazAqparat.
«Koronavirýsqa qarsy vaktsina elimizdegi Biologiialyq qaýipsizdik ǵylymi-zertteý institýtynda jáne Biotehnologiia ulttyq ǵylymi ortalyǵynda jasalýda. Jalpy alǵanda, álem boiynsha koronavirýsqa qarsy vaktsina jasaýmen ainalysyp jatqandar kóp. Búginde jeti ǵylymi ujym klinikalyq synaq ótkizip jatyr», - deidi QR Bas memlekettik sanitar dárigeri Aijan Esmaǵambetova.
Onyń aitýynsha, klinikalyq synaq koronavirýsqa qarsy vaktsinanyń nátijeligin kórsetedi.
«Búgingi kúngi bizdiń mindet - koronavirýspen aýyrǵandar sanyn azaitý. Testiden ótkizýdi kóbeite berýimiz kerek. Mysaly, naýryz aiynda 34 myń ǵana test boldy jáne aýyrǵandar men olarmen bailanysta bolǵandardy testileýden ótkizdik. Al sáýir aiynda profilaktikalyq testke kóshtik. Naýryzdan osy ýaqytqa deiin 320 myń adam testiden ótti. Sáýir aiynda tótenshe jaǵdai kezinde jumys istegen adamdardy, dárigerlerdi, aiaǵy aýyr áielderdi, emhanada tirkeýde turǵandardy qostyq», - deidi ol.
