Foto: Pexels.com
Búgingi tańda Qazaqstanda adam papillomasy virýsyna (APV) qarsy vaktsina 11-13 jas aralyǵyndaǵy 54,5 myńnan astam qyzǵa salyndy, dep habarlaidy Ult.kz Densaýlyq saqtaý ministrligine silteme jasap.
Qazan aiynyń basynan bastap respýblikada ár jerde jatyr moiny obyrynyń negizgi qozdyrǵyshy adam papillomasy virýsyna (APV) qarsy 11 jastaǵy qyzdarǵa vaktsinatsiialaý júrgizilýde. Sondai-aq, 12 jastan 13 jasqa deiingi qyzdarǵa arnalǵan toltyrý immýndaýy júrgizilýde.
"Óńirlerdiń arasynda APV-ǵa qarsy vaktsinatsiialaý boiynsha Túrkistan oblysy kósh bastap tur, onda 11,1 myńnan astam qyz egildi, Shymkent qalasynda 5,3 myńnan astam oqýshy, Qaraǵandy oblysynda 4,3 myńnan astam, Jambyl oblysynda 4 myńnan astam, Astanada 3,7 myńnan astam qyz vaktsinatsiialandy.
Vaktsinatsiialanǵandardyń arasynda immýndaýdan keiin qolaisyz kórinister tirkelgen joq", - delingen habarlamada.
Qazaqstanda ekpeler mektepterdiń meditsinalyq kabinetterinde ata-analarynyń nemese zańdy ókilderiniń aqparattandyrylǵan kelisimin alǵannan keiin júrgiziledi. Ata-analardyń ótinishi boiynsha vaktsinatsiialaý tirkelgen jeri boiynsha emhanalarda da júrgizilýi múmkin.
APV-ǵa qarsy profilaktikalyq vaktsinatsiialaý jatyr moiny obyry men basqa da onkologiialyq aýrýlardyń damýyna jol bermeidi.
Qazaqstanda jatyr moiny obyry (JMO) barlyq jastaǵy áielderdiń arasynda sút bezi obyrynan keiingi ekinshi jáne fertildik jastaǵy (25-44 jas) áielderdiń sút bezi obyrynan keiingi óliminiń ekinshi sebebi bolyp tabylady.
