Qazaqstan azamattarynyń 87,15%-y jańa Konstitýtsiiany qoldap daýys berdi. Bul týraly Ortalyq referendým komissiiasynyń tóraǵasy Nurlan Ábdirov málimdedi, dep habarlaidy Ult.kz.
Jańa Konstitýtsiiaǵa qatysty referendýmǵa 9 127 192 adam qatysqan, iaǵni daýys berýge qatysý deńgeii 73,12% qurady.
jańa Konstitýtsiiany «qoldaimyn» dep daýys bergen - 7 954 667 adam , al 898 009 adam qarsy bolǵan.
Jaramsyz biýlletender sany – 146 558, jaramdy, biraq esepke alynbaǵandar – 127 868. Óitkeni barlyq jaýap nusqalary belgilengen.
"Daýys berýge referendýmǵa qatysýǵa quqyǵy bar azamattardyń jartysynan kóbi nemese 73,12 paiyzy qatysqandyqtan, “Siz jobasy 2026 jylǵy 12 aqpanda buqaralyq aqparat quraldarynda jariialanǵan Qazaqstan Respýblikasynyń jańa Konstitýtsiiasyn qabyldaisyz ba?” degen suraq boiynsha referendým ótti dep eseptelsin. Respýblikalyq referendýmǵa daýys berý úshin shyǵarylǵan jańa Konstitýtsiia qabyldandy dep eseptelsin, óitkeni oblystardyń, respýblikalyq mańyzy bar qalalardyń jáne astananyń keminde úshten ekisinde daýys berýge qatysqan azamattardyń jartysynan astamy nemese 87,15 paiyzy oń sheshim qabyldady", – dep málimdedi Ortalyq referendým komissiiasynyń tóraǵasy Nurlan Ábdirov.
Aita keteiik, keshe Memleket basshysy Qasym-Jomart Toqaev 15 naýryzdy – Konstitýtsiia kúni dep jariialap, jazda Parlament sailaýy ótetinin habarlady.
