Bas sanitar dárigerdiń 3 maýsymdaǵy qaýlysyna sáikes, 17 maýsymnan bastap «Nurly jol» temirjol vokzalynda «Ashyq» jobasy engiziledi. Almaty-1, Almaty-2, Qaraǵandy jáne Óskemen vokzaldarynda joba aǵymdaǵy jyldyń 21 maýsymynan bastap jumys istei bastaidy, dep habarlaidy "Ult aqparat".
1 shildeden bastap «Ashyq» jobasyn Aqtóbe, Atyraý, Beineý, Kókshetaý, Qostanai, Qyzylorda, Mańǵystaý, Oral, Pavlodar, Semei, Taraz, Túrkistan, Shymkent jáne Shý vokzaldarynda engizý josparlanyp otyr.
Bul shara koronovirýs infektsiiasynyń taralý qaýpin azaityp, juqtyrýǵa ákeletin bailanystar sanyn qysqartý maqsatyn kózdeidi.
Mysaly, QR-kodty skanerleitin «Ashyq» kirý júiesi Nurly jol vokzal kesheniniń barlyq kireberisterinde jumys isteitin bolady.
Jolaýshylar arasyndaǵy qashyqtyqty saqtaý úshin vokzal kesheniniń qyzmetkerleri jolaýshylar aǵynyn kireberisterge bóledi.
Jolaýshy kirgen kezde QR-kodty Ashyq mobildi qosymshasy arqyly nemese Kaspi.kz, Homebank, Aity qosymshalar arqyly skanerleý qajet.
Jolaýshyda qosymsha nemese smartfon bolmaǵan jaǵdaida kire beriste vokzal kesheni qyzmetkerine JSN kórsetý qajet.
Sheteldikterdiń statýsy pasporttyń nómiri boiynsha sol jerde tekseriledi. 18 jasqa deiingi balalar tekserýden ótpeidi. «Qyzyl» jáne «sary» statýsy bar adamdar vokzal keshenine kirgizilmeidi.
www.ashyq.kz caityndaǵy beitarap QR-kod arqyly óz statýsyńyzdy aldyn ala tekserýińizdi usynamyz.
Jolaýshylarǵa vokzal úi-jaiyna kirý múmkindigi bolmaǵan kezde («Ashyq» qosymshasy) jolaýshy paidalanylmaǵan jol júrý qujatyn (biletin) qaitaryp berý úshin bilet kassasyna bara almaidy. Paidalanylmaǵan jol júrý qujattaryn (biletterin) qaitarý úshin jolaýshylar:
- WhatsApp mobildi qosymshasy arqyly bilet.railways.kz saitynda kórsetilgen telefon nómirine (+7 707 270 36 64) oryndy tapsyrý úshin jol júrý qujatynyń fotosýretin / skrinshotyn, «Ashyq» qosymshasyndaǵy statýstyń fotosýreti / skrinshotyn; jeke basyn kýálandyratyn qujattyń fotosýreti (tólqujat / kýálik / týý týraly kýálik jáne t.b.) jiberýi kerek.
- Alty ai ishinde (poiyz jóneltilgen kúnnen bastap) jolaýshy jeke basyn rastaityn qujattyń túpnusqasyn alyp, «Jolaýshylar tasymaly» AQ-nyń kez kelgen kassasyna bara alady jáne paidalanylmaǵan biletti qaitarý týraly ótinish jaza alady.
